به گزارش کمیسیون حقوق بشر، به تعداد ۵ تن هموطن که دربرنامه ملی کار می کردند، در قریه علیزو ولسوالی تخته پل ولایت قندهار توسط مخالفان دولت نخست ربوده شده، سپس ۲ تن آنان را ظالمانه به قتل رسانیده اند که جسد شان نیز دریافت گردیده است و ۳ تن آنان را رها نمودند.
کمیسیون، در عین حال از ارگان‌های امنیتی، اجرایی و عدلیـقضایی کشور متمنی است که در پاسداری و حراست از حقوق شهروندی شهروندان، به خصوص امنیت کاری کارکنان پروژه‌های عمرانی کشور کوشیده و با شناسایی عاملان چنین حوادث، در تامین عدالت توجه جدی را مبذول بدارند.