مجیب الرحمان رحیمی سخنگوی ریاست اجرایی می‌گوید که آقای عبدالله در حاشیه نشست شانگهای با نخست وزیر روسیه دیدار نموده و خواهان کمک روسیه در عرصه های گوناگون به افغانستان شده است. وی افزود: " پاسخ صدراعظم روسیه در همکاری با افغانستان مثبت بود." گفتنی است عبدالله که در چهاردهمین اجلاس سران کشورهای عضو سازمان همکاری های شانگهای در کشور چین شرکت کرده در حاشیه این نشست با نخست وزیران چین، تاجیکستان، قیرغیزستان و قزاقستان نیز ملاقات و گفتگو خواهد کرد.